Me aplikimin e rregullativës së re të Unionit Evropian janë bërë ndryshime drastike në gamën e klasave të energjisë së produkteve dhe kështu edhe në etiketat e energjisë dhe të gjithë prodhuesit duhet t’iu përmbahen rregullave të reja. VOX Electronics, si brend ndërkombëtar synon që të gjithë konsumatorëve të vet t’i ofrojë produkte sipas standardeve më të reja Evropiane si dhe të jetë transparent dhe t’i ndihmojë çdo konsumatori që të bëjë përzgjedhjen më të mirë gjatë blerjes. Pajisjet tona kanë mbetur njësoj efikase dhe ekonomike, kurse arsyeja për shkak të cilës vihet re ndryshimi drastik në etiketimin e klasës së efikasitetit energjetik është mënyra e re e llogaritjes së shpenzimit të energjisë, gama e ndryshuar e klasifikimit që përcjell rregullat e e reja Evropiane, standardet më të rrepta. VOX Electronics bën më të mirën që konsumatorëve të vet t’ia prezantojë standardet dhe rregullativat më të reja.

Pse ka ndryshuar klasa?

Shenjat energjetike janë paraqitur qysh në vitet e nëntëdhjeta, kur shumica e pajisjeve ka qenë e etiketuar me klasën energjetike E. Me avancimin dhe zhvillimin e përshpejtuar të teknologjisë, në treg për një kohë të shkurtër janë paraqitur produkte me klasën më të lartë energjetike A. Zhvillimi i mëtejmë ka shkaktuar që produktet të jenë më të mira se sa klasa A, prandaj etiketat u zgjeruan me shenjën plus (A+, A++, A+++), për t’u dalluar më lehtë. Por, kjo mënyrë e etiketimit nuk është më efikase për Unionin Evropian sepse teknologjia po përparon në mënyrë konstante.  Konsideroehet se paraqitja e tillë, me sa më shumë pluse po vështirëson marrjen e vendimit më të mirë për konsumatorin dhe po e huton atë, sepse në përgjithësi të gjitha pajisjet kanë kaluar në “zonën e gjelbër” të efikasitetit të energjisë. Qëllimi i lëvizjes së shkallës është edhe që prodhuesit të stimulohen që më shumë të investojnë në inovacione dhe që në këtë mënyrë të kontribuohet në prodhimin e produkteve me energji më efikase.

Çfarë ka ndryshuar?

Në nivel të Unionit Evropian, është marrë vendim që të ndryshojë etiketa energjetike dhe në të gama e klasave energjetike të jetë nga A (klasa më e lartë) deri në G (klasa më e ulët).  Në mënyrë që produkti të bëjë pjesë në klasën e re A, tani duhet të përmbushë shumë më tepër kritere se sa në rastin e etiketës së vjetëruar me A+, A++, A+++. Shenjat e tilla me pluse nuk përdoren më dhe nuk janë pjesë e rregullativës së re. Mënyra e re e llogaritjes dhe etikimit të kursimit të energjisë lejon hapësirë për inovacione teknologjike në të ardhmen dhe rangimin e tyre sipas kategorive.

Si duket ndryshimi?

Ndryshimi më i madh ka ndodhur në vetë pamjen e etiketës energjetike, që janë theksuar në pajisje. Në çdo vend ku mund të gjendet informacioni për kategorinë dhe efikasitetin energjetik të pajisjes, janë theksuar parametra të ri dhe mënyra e rangimit. Ky ndryshim për momentin ka të bëjë me këto VOX kategori:  lavatriçet, enëlarëset, frigoriferët, frizët dhe televizorët. Kur bëhet fjalë për përcaktimin e klasës së re energjetike të pajisjes, nuk ekziston rregull universale e konvertimit të së vjetrës në klasë të re. Gjithashtu, e shpeshtë është situata që pajisjet të cilat kanë pasur klasën energjetike A+++ të rregullativës së vjetër, tani të jenë të kategorizuara si klasa D ose E e rregullativës së re.

Ku na dërgon kodi QR dhe për çka shërben?

Me ardhjen e rregullativës së re është i domosdoshëm kodi QR në etiketën energjetike. Me skanimin e kodit QR, konsumatori ka qasje në specifikacionin teknik për pajisjen konkrete në bazën e të dhënave të UE-së për etiketim energjetik (EPREL). Në këtë mënyrë sigurohet që çdo pajisje të jetë në përputhje me standardin e ri të caktuar, si dhe transparencë të informacioneve më të rëndësishme për konsumatorin, që gjithashtu lehtëson edhe krahasimin e pajisjeve të prodhuesve të ndryshëm.

PYETJET MË TË SHPESHTA

1. A kursen energjinë njësoj si më parë pajisja ime VOX pas aplikimit të rregullativës së re?

Po! Pajisjet VOX janë njësoj ekonomike si edhe më parë. Duke qenë se standardet janë bërë më të rrepta, kurse shkalla e llogaritjes së shpenzimit të energjisë ka ndryshuar, pajisjet e rregullativës së re duhet të përmbushin edhe më shumë kritere për t’u ranguar në klasë më të lartë. Kjo e vendos konsumatorin në një pozitë më të mbrojtur sepse të gjitha informacionet rreth shpenzimit dhe kursimit janë transparente.

2. Në cilat pajisje VOX do të shoh etiketat me rregullativë të re?

Rregullat e rregullativës së re të Unionit Evropian aktualisht kanë të bëjnë me këto kategori të pajisjeve VOX: lavatriçet, enëlarëset, frigoriferët, frizët dhe televizorët.

3. Pse tani shoh pajisje VOX edhe në zonë energjetike me ngjyrë të verdhë ose të portokalltë?

Një nga parimet kryesore të rregullativës së re është eliminimi i etiketimit konfuz me pluse (A+, A++, A+++). Për këto arsye, pajisjet VOX nga rregullativa e vjetër me shenjën u A++, tani mund t’i takojë klasës F (zonës energjetike të portokalltë). Pa marrë parasysh etiketimin e tillë, pajisjet janë njësoj kualitative dhe ekonomike si më parë.

4. Pse ende shoh pajisje me etiketat  e klasës A+++ ose me dy etiketa të ndryshme?

Blerësit aktualisht mund të gjejnë në pajisjet të cilat mbajnë etiketat e vjetra (A+, A++, A+++) ose rregullativa energjetike të vjetra dhe të reja, derisa të gjitha brendet në treg të kalojnë tërësisht në rregullativën e re. Kjo ka të bëjë me modelet e pajisjeve që janë pjesë e rezervave të prodhuara para datës 01.03.2021. VOX Electronics dëshiron të jetë brend udhëheqës në këtë tranzicion sepse të gjithë blerësit tanë meritojnë të jenë në rrjedha me standardet më të reja dhe të kënaqen me të gjitha përfitimet e këtyre standardeve. Afati përfundimtar deri kur modelet me etiketat e rregullativës së re dhe të vjetër mund të shiten është fundi i nëntorit, 2021.

5. Si të krahasoj klasën e vjetër me klasën e re?

Kur bëhet fjalë për përcaktimin e klasës së re energjetike të pajisjes, nuk ekziston ndonjë rregull universale e konvertimit të klasës së vjetër në të re. Gjithashtu, është e shpeshtë situata që pajisjet të cilat kanë pasur klasën energjetike  A+++ të rregullativës së vjetër, tani të kategorizohen si klasa D ose E e rregullativës së re. Pavarësisht nga kjo, pajisjet VOX të etiketuara me rregullativën e re  janë njësoj kualitative dhe efikase si pajisjet e rregullaivës së vjetër.

Ndryshimet drastike në treg janë bërë për t’iu përshtatur zhvillimit të teknologjisë, të përcjellin tregun e ardhshëm dhe t’i ndihmojnë konsumatorit për të kuptuar më mirë specifikacionin e pajisjes. Etiketimet e pajisjeve sipas rregullativës së vjetër me shenjat A+, A++ dhe A+++ kanë qenë konfuze për konsumatorin dhe nuk kanë lënë hapësirë për zhvillim të mëtutjeshëm teknologjik. Rregullativa e re mundëson kuptimin më të lehtë të efikasitetit energjetik, rangimin e ri të produkteve me shenjat e shkronjave  nga A (shkalla më e lartë) deri në G (shkalla më e ulët), si dhe transparenca e të dhënave rreth pajisjes për një pozitë më të volitshme të konsumatorëve.

Nëse një produkt i caktuar nga asortimenti i VOX Electronics ndonjëherë i ka takuar kategorisë  A++, kurse tani është shënuar me shkronjën F, ai prapë është njësoj ekonomik dhe cilësor si edhe deri më tani. Qëllimi i implementimit të rregullativës së re është edhe shfrytëzimi maksimal i potencialit të kursimit të energjisë deri në fund të vitit 2030.

VOX Electronics është brend i cili synon transparencën e informacioneve, mendon për konsumatorët e vet dhe dëshiron që t’i njoftojë me kohë për ndryshimet e aplikuara në treg. Për këto arsye dallohemi si brend i cili ndër të parët ka filluar prezantimin e pajisjeve sipas standardeve të rregullativës së re në dobi të konsumatorëve të vet.